O le toe taliu mai i fanua o le Miss Samoa NSW ia Mille Samuelu ma le Pale o le 1st Runner Up o le Miss Samoa na amata ai lava ma lona tiute fou i le faafeiloaiga o le Atunuu ma Sui o Ofisa femalagaai eseese i Ausetalia i le Road Show a le Ofisa o Tagata Tafafao i Samoa na afea ai Melepone,Adelaide,Sini ma Brisbane.
Na faaauau Galuega a le Miss Samoa NSW Mille Samuelu ma le Agaga Faafetai i le taliu manuia mai i laufanua o Ausetalia ina ua manumalo ai i le Pale o le First Runner Up 2026
I se talanoaga ma le SBS Samoan na momoli ai le Faafetai a Mille Samuelu i lona Afioaga i Satapuala ma Samatau mo le lagolago maoae a o iai i Samoa mo le Miss Samoa Pageant.
" O se agaga o le Faafetai ma le loto fa'agae'etia mai le taele o lo'u fatu i ai latou uma na ofo lo latou taimi ma le taleni e tapena ai la'u nei taumafaiga,ia Faamanuia le Atua'.O le vaega e taua tele ai lenei tauvaga o le toe atili fesootai ai lea ma lona faasinomaga ma molimauina ai e ia lava le matagofie o Samoa ma ona tagata ma lana aganuu.
Sa ia faailoa foi le galuega fita a le Miss Samoa NSW ma le Fono Aoao NSW mai le amataga faapea lana ausiva le Matavai,kamupani uma na lagolagoina lona auai,Onomea Productions,Ofisa o Tagata Tafafao i Samoa(STA) Sa ia sa'asa'a foi e taualuga lenei Road Show lea na lauga Aloaia ai le Afioga Niumata Kitiona Pogi le Faatonusili e faafetaia ai le galuega faalauiloa a pisinisi ofisa malaga a Ausetalia o loo auina atu tagata tafafao i Samoa ma faaalu a latou seleni i totonu o le tamaoaiga o Samoa.
