Malelega a Tuiatua Tupua Tamasese i teuteuga o le Faavae.

Na asiasi le tama-a-aiga Tuiatua Tupua Tamasese Efi ma lana masiofo i Salani i Falealili, e tali i le mana'o o lona afio'aga e fa'aali sona finagalo i tulafono e 3 o loo malolosi nei iai manatu fa'aalia o le atunu'u.

Tuiatua Tupua Tamasese Efi. Source: SBS/Galumalemana Autagavaia Tipi.

E pei ona silafia, o tulafono nei o loo faamoemoe le malo e avea ma tulafoo ma ua mae'a ona faitauga e lua i le palemene, ma e mana'omia ai le toe teuteu o le Faavae o le malo tuto'atasi o Samoa.

E aofia ai suiga i le tulaga o le Faamasinoga o Fanua ma Suafa atoa ai le faatapula'aina o le aofa'i o suafa sa'o o aiga ma nu'u i Samoa.