Na faaalia e La'auli i se talanoaga ma le sui o le SBS i Samoa, Galumalemana Autagavaia Tipi Autagavaia, o le vaega 'upufai fou ua faavaeina i lalo o le fautuaga mai lona itumalo.
O La'auli Polataivao Schmidt, o se tasi ua leva ona lotolotoi i le vaega 'upufai a le HRPP, lea na avea ai lona tua'a o Polataivao Fosi Schmidt ma se taso sui faavae o le HRPP.
Na avea o ia ma Whip i le HRPP atoa ai ma le tofi fofoga fetalai o le palemene o Samoa i se paea'iga ua tuana'i.
O lona tete'e i le tulafono o faigapalota lea ua suia ai tua'oi mai itumalo faa-alalafaga i itumalo palota mo faiga palota i le tausaga fou, na mafua ai le masae o le laufa'i a La'auli ma le ta'ita'i o le HRPP, le palemia Tuilaepa Lupesoli'ai Sailele Malielegaoi.
