Le toe avea ma solitulafono le faia o se abortion i Queensland.

Ua mafai nei ona fafano se ma'itaga o tina pe faia se abortion a se tama'ita'i i Queensland e aunoa ma se moliaga i le tulafono.

Se vaega na tete'e i fafo mai o le palemene o Queensland ina ua pasia le tulafono. Source: AAP

O le tulafono lenei e 'ova i le 100 tausaga o faamamaluina i Queensland, ae na o le 2 aso na suia ai ina ua palota le palemene Setete 50 Ioe i le 41 na tete'e. Ua mafai ai nei ona faia se abortion i totonu o le 22 vaiaso o se ma'itaga, ma ua iai fo'i aiaiga e mafai ai ona faia se abortion i tua atu o le 22 vaiaso i se fautuaga mai ni foma'i se to'a lua. O le vaai a le Setete o Queensland i le fafanaoina o ma'itaga o tama'ita'i, o se mataupu soifua maloloina ae le o toe vaai iai o se solitulafono.