A fa’apea na e faigaluega i seisi galuega i Ausetalia, ae ua sui lau galuega pe ua e lē toe faigaluega, masalo o 'oe seisi o tagata o loo taofi e se kamupani supa se vaega o lou totogi na tipi mo lau superannuation i le taimi na e faigaluega ai.
O tupe nei o au tupe mo le taimi e te litaea ai, pe ua e lē toe faigaluega.
I se fa’aaliga mai le Ofisa o Lafoga, le Australian Tax Office, e to'a 7 miliona tagatanu'u Ausetalia o loo leiloa pe le'i talaina pe claim a latou supa.
E tau mai ia Iuni o le 2024, e lata i le $18 Billion o loo saisaia i supa e le'i talaina, ae ua fa’aopoopo iai le isi $1.8 Billion e tau mai ia Iuni o le tausaga nei.
Na saunoa le sui teutupe, Daniel Mulino, e fautuaina tagata e fa’aputu i se super fund e tasi a latou supa e faigofie ai.
"There can be a range of reasons why people have lost super. It could be that you changed your name. That you have changed jobs, or even that you have worked overseas. What this can mean is that people can find themselves paying multiple fees, which will obviously have a bad effect on peoples' end balances. It (recovering your super) helps people to achieve that ultimate important goal of superannuation: dignity in retirement."
READ MORE
Superannuation explained
Siaki i le 'Super Health Check' a le A-T-O pe o iai se vaega tupe o lau superannuation o taofia ai i le link lenei: https://www.ato.gov.au/individuals-and-families/super-for-individuals-and-families/super/growing-and-keeping-track-of-your-super/keeping-track-of-your-super/super-health-check ]]
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan
