Ae le'i tuua Samoa i nai tausaga ua tuanai atu mo Niu Sila o le Afioga ia Leaupepe Talai Lene na maualuga i le kamupani Digicel Samoa ma faaauauina ai i Niu Sila. O lona faletua ia Falute Lene lea sa avea ma Miss Samoa 2005 sa galue i le faletupe a o amatalia ai si o la aiga.
O le taunuu ane o Leaupepe Talai ma Falute Lene i Niu sila na o la iloa ai e le gafatia e le tagata faigaluega e toatasi na tausia lo la aiga.
Sa manatu ai loa e fafau se ituaiga alagatupe mai se auaunaga e fesoasoani i tatou tagata o loo aumau i Niu Sila ma Ausetalia ma soo se vaega o le kelope e momoli ai fatauga i Samoa le 'Talofa Voucher.'
E toaono si a la fanau ae ua sapaia e tatou tagata lenei auaunaga e oo lava i pili o vai ma eletise ua totogi sa'o atu lava i fafo.
Ua asiasi mai foi i Ausetalia ma faasoa mai seisi auaunaga fou o le Vai Sasalapa ma le Vai Esi aua le soifua maloloina o tatou tagata.
O nei oloa e ola i Samoa ma e aoga e taumafa e le mamalu o le atunuu ae toe foi le seleni i nai tatou tagata o totoina ma saunia mai mo atunuu mamao.
