2 tausaga le osofa'iga a Hamas i Isara'elu

Ua atoa tonu i le asō, Aso 7 o Oketopa, le 2 tausaga talu ona faia le osofa’iga a Hamas i Isara’elu lea na maliliu ai tagata e lata i le 1,200 ma ‘ave fa’apagotaina ai tagata Iutaia e to’a 250.

Shaun Lemel a survivor of the attack on the Nova music festival, speaks at an event organised by the Board of Deputies of British Jews (BDBJ) in London's Trafalgar Square, to mark the anniversary of the October 7 attacks in Israel. Picture date: Sunday October 5, 2025.. Photo credit should read: Maja Smiejkowska/PA Wire Credit: Maja Smiejkowska/PA

O le afiafi o le Aso 7 o Oketopa 2023 ae o faia se koniseti musika i se pitonu'u o Isara'elu e tua'oi ma le Gaza Strip, le Supernova Sukkot Music Festival, na ulufale atu ai sui o Hamas mai le Gaza i Palesitina ma latou fasiotia le 'ova i le to'a afe o tagata Iutaia, ma 'ave fa'apagotaina nisi e to'a 250 na auai i le koniseti.

Na vave ona faitioina malosi e ta'ita'i o atunu'u i le lalolagi le osofa'iga a Hamas, ae na vave fo'i ona fa'ailoa e le palemia o Isra'elu, Benjamin Netanyahu, ma ia folafola le tafi 'eseina o le fa'alapotopotoga a Hamas mai le lalolagi.

I le 2 tausaga talu ona faia le osofa'iga a Hamas, o le tali iai a Isara'elu ua molimauina le 'ova i le 66,000 tagata sivili o Palesitina ua maliliu ai ma le to'atele ua manunu'a.

Ua molimauina fo'i le to'atele ua maliliu mai le matelaina ma fa'ama'i ona o le fa'asaina e Isara'elu o fesoasoani i mea'ai, suavai mama ma vaila'au o togafitiga i le tua'oi o loo li'o ai le Gaza Strip.

E faia nei sauniga fa'amanatu o le 2 tausaga o le taua i le Gaza, o loo taumafai pea ona feutaga'i se filemu e taofia ai le osofa'iga a Isara'elu ma fa'asa'olotoina e Hamas tagata Iutaia o loo latou saisaia pea.