I sana fe’au na tu’uina i luga o le social media, na ia ta'ua ai ua tolopō i le 2 vaiaso le fa’ataunu’uina o lana folafolaga, ina ua ia talia le fautuaga mai le palemia o Pakistan, Shehbaz Sharif.
I le laumua o Iran i Tehran, na fa’aalia ai e le fono sili le Supreme National Security Council lo latou taliaina o le tu’utu’uga i le 2 vaiaso e taofia ai le taua ma amataina feutaga'iga ma le malo Amerika.
---
Na matuā faitioina malosi e le Tupu Sā o le Ekalesia Katoliko Roma, Pope Leo XIV folafolaga a le peresitene o Amerika, Donald Trump, e talepe atoa le atunu’u o Iran.
I le malelega a le Tupu Sā, na ia ta'ua o se gaioiga e talepeina ai nofoaga o loo faalagolago iai tagata sivili mo le soifuaga, o se solitulafono i lalo o tulafono faavāomalo.
Na vala’au Pope Leo i tagatanu’u Amerika e tete'e i taua ae aga'i i le feutaga'iga o le filemū.
"So many people who have already become or will become victims of this continued warfare. To remind all - those attacks on civilian infrastructure is against international law, but that it is also a sign of the hatred, the division, the destruction the human being is capable of. People want peace. I would invite the citizens of all the countries involved, to contact political leaders. Ask them to work for peace and to reject war always."
---
Ua ‘ova i le miliona tagata i Lepanona ua sa’ili lafitaga ma tu’ua aiga ma fanua ona o le osofa’iga a Isaraelu i le masina ua mavae atu nei.
Na fa’aalia e se sui o malo aufaatasi, o le tumutumu o nofoaga lafitaga i le taimi nei, o le a vave ona pepesi ai faama'i, ae ua leai ni avanoa i falema'i i le toatele o tagata manunu'a mai le osofa'iga a Isaraelu.
Na saunoa Christian Lindmeier o le World Health Organization, ua molimauina le tele o aafiaga i tagata sivili ae maise le siitia maualuga o le aofa'i o tagata maliliu ae o faaumiumi le osofa'iga.
"The Ministry of Health (of Lebanon) is reporting at least 1,461 deaths, including 129 children, with more than 4,400 injuries. Since the 2nd of March, 92 attacks on health care were verified, resulting in 53 deaths and 137 injuries. As a result of the IDF evacuation orders, 51 primary health care centres and six hospitals are now closed.”
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
