$2miliona le taui mo Kathleen Folbigg.

Ua fa'aalia e le tama'ita'i o Kathleen Folbigg lona fa'anoanoa i le maualalo tele o le taui ua ofoina atu e le malo setete o NSW mo le 20 tausaga na saisaia ai o ia i le falepuipui.

Kathleen Folbigg was convicted in 2003 of murdering three of her children Source: SBS

O Kathleen Folbigg na fa'asalaina i le falepuipui i le 2003 ina ua aumaia le fa'ai'uga a le fa'amasinoga e fa'amaonia ai moliaga o lona fasiotia o lana fanau e to'a fa.

Ona o le malosi o le finau a nisi o le vasega o saienisi na fesiligia ai le fa'atuatuaina o molimau na fa'avae ai le fa'ai'uga a le fa'amasinoga i le 2003, na toe fa'asa'olotoina ai Kathleen Folbigg i le 2023.

Na molimau i le fa'amasinoga i le 20 tausaga ua tuana'i le to'alua o Kathleen, le tama o tamaiti na feoti, ma ua maliu fo'i o ia ma lona talitonuga o Kathleen na faisotia le la fanau.

O le masaloga i le fa'atuatuaina o molimau, na mafua mai i se finauga a le basega o saienisi, e tele le avanoa o le feoti o tamaiti mai se mafua'aga fa'anatura.