I le Aso 6 o Aukuso 1945 na osofa'ia ai e va'alele tau a Amerika le taulaga o Hiroshima i Iapani i se pomu atomika. E 'ova i le 140,000 tagata na maliliu ai, ma le isi faitau afe na maliliu ma afaina mulimuli ane mai fa'ama'i ma a'afiaga mai 'ave uila (radiation) mai le pomu atomika.
E 3 aso na soso'o ai ae osofa'ia e va'alele tau a Amerika le taulaga o Nagasaki i seisi pomu atomika. O i'ina na si'ilima ai Iapani ma fa'amuta ai le taua lona lua o le lalolagi.
O le fesili o loo fafagu mai pea i lenei osofa'iga, pe sa agatatau ma talafeagai le faia o se osofa'iga e fa'aaogaina ai le malosi niukilia ma le iloa o nofoaga o loo aumau ai tagata sivili ma le to'atele o ola o le a maumau ai.
