Na saunoa le palemia o le polokalame aupito tele lenei i le ave’esea o fana mai tagata sivili talu mai le osofa’iga i Port Arthur i le 1996.
Na ta'ua foi e le palemia o se tasi o tagata na faia le osofa'iga terorisi i Bondi Beach na iai laisene o fana e 6 na ia umia. Na ia fesiligia ai le talafeagai o le mafaia e se tagata e nofo i Bonyrigg i Sini ona ia umia ni fana se 6:
"We know that one of these terrorists held a firearm license and had six guns, in spite of living in the middle of Sydney's suburbs there at Bonnyrigg. There's no reason why someone in that situation needed that many guns."
I lalo o le polokalame, o le a tu’uina ai i setete ma teritori le tiute o le aoina ma totogi le tau o fana e tu’uina atu e tagata sivili – e aofia ai fana o loo umia fa’asolitulafono.
Na ta'ua foi e le palemia o le a matuā malosi puipuiga ma tulafono i itu’aiga fana e mafai e tagata sivili ona umia i lalo o laisene:
"We expect hundreds of thousands of firearms will be collected and destroyed through this scheme. Consistent with the approach that was taken in 1996, the government is proposing that states and territories will be responsible for the collection, processing and payment to individuals for surrendered firearms. The Australian Federal Police will then be responsible for the destruction of these firearms."
Na saunoa Tim Quinn, le peresitene o le Gun Control Australia, ua tele tausaga o tulei e le Gun Control Australia le finauga e toe iloiloina tulafono e umia ai fana ina ia iai se so’otaga i le itu’aiga fana e laiseneina ma le mafua’aga e mana'omia ai e se tagata se laisene mo lea fana.
Na ia ta'ua i talafou a le SBS, e lē na o le aofa'i fana e tatau ona fa’atulafonoina, ae o itu’aiga fana e tatau ona fa’atagaina tagata sivili e umia.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
