Na fa’amanatuina i le Aso ua tuana’i (Aso 8 o Mati) le Aso Fa’avāomālō o Tinā ma Tamaita'i, le International Womens Day.
I le tele o taulaga i le lalolagi na lagonaina ai le vala’au a le itupā o tinā ma tamaita'i i le tatau ona tutusa aiā tatau i totogi o galuega, le aiā tatau e faia ai fa’ai’uga i le fa’amutaina o ma'itaga o tinā, ma le taofia o sauaga i totonu o ‘āiga o loo āfaina ai tinā ma le fanau.
I nisi o atunu’u, o loo tumau pea le talitonuga o tagata i le faa'upuga o le tamā le ulu o le aiga - o ia e iai le pule, o le tinā e faufautua, e lē tutusa o la tulaga ma le tamā.
READ MORE
International Women's Day
I Turkyie, o loo fa’asāina ai le itupā o tinā ma tamaitai ona auai i ni savali e tulei ai le mau mo aiā tatau.
O loo talitonu le malo Turkyie, e le āgatatau ma a latou tu ma talitonuga.
E le'i taofia ai le savali a tinā ma tamaitai e pei ona fa’aalia e Eylul Naz Baklaci:
"Despite all the precautions, despite all the roads being closed, despite the obstacles in the streets, the women have gathered and are marching. It is impossible to break this struggle, this unity. "
I Chile, na molimauina le sisiva ma leo tetele o le savali a tama'ita'i ma le vala’au aiā tutusa ma le itupā o alii.
O se tasi na auai i le savali o Gisela Montesinos:
"Today more than ever, we have to fight so we do not lose the rights we have won. We need to speak clearly about everything that is at stake."
I Farani ma Sepania, na molimauina ai le faitau afe o tinā ma tama’ita’i na savavali e tulei le mau mo aiā tatau ma aiā tutusa ma al’ii, atoa ai le taofia o sauaga i totonu o ‘āiga.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
