Fitafita na galo o le ANZACs mai motu o Niue i le Pasefika. Toe fa'amanatu e suli o fitafita e to'a 150 mai Niue le tautua na ofoina e o latou tua'a i le Taua Muamua o le Lalolagi.
I le 1915, ae o sasao le taua muamua o le lalolagi, na to’atele fitafita o le ANZACs na maliliu i atumauga o Gallipoli.
Na amata ai ona va’ai Niu Sila i ona motu kolone i le Pasefika mo tamatane e a’otauina e fa’atumuina le fauinumera o le vaega’au ona o le to’atele na maliliu. Na taliana ai se ofo mai Niue mo tamatane e tau i le taua.
E to’a 150 taulele’a o Niue na tu’ua o latou nu’u ma ‘āiga ae ‘auai fa’atasi ma tamatane mai Rarotongan ma Maori i le vaega’au mo tiute o galuega leipa ma le ‘eliina o ana fa’asasa’o.
Ou te lē o malamalama tonu le tulaga o fa’afitauli na feagai ma i latou.
I don't think that we fully understand what they have been through.Mohelagi Tutoka
E to’a 17 na maliliu ae o tautua i le vaega’au. Ae o le to’atele na fa’asaoina mai le taua, na matuā a’afia mulimuli ane i fa’ama’i o le māmā ina ua toe fo’i io latou ‘āiga i le mae’a ai o le taua.
