O le ta’amilosaga o le Nations Championships e amata ia Iulai e tau ia Novema, ma o le grand final e faia i Lonetona.
O loo talotalo le faia’oga o le Brave Blossoms, le aufili lakapi a Iapani, Eddie Jones, e talisapaia e Newcastle i lana ‘au i ta’aloga o le ta’amilosaga fou le Nations Championships ma fa’asolo atu ai i le World Cup i le tausaga fou.
O Iulai o le tausaga nei o loo fa’amoemoe e fetaui ai Iapani ma Ireland i le McDonald Jones Stadium i Newcastle, o se tasi o ta’aloga muamua i le ta’amilosaga fou le Nations Championships.
Mo le silafia, o le tausaga muamua lenei o le ta’amilosaga lenei, o le a tauvā ai 'au e 12 (6 mai le itūlagi o Matu, ma le 6 mai lo tatou itulagi nei), le Southern Hemisphere.
O 'au a le Northern Hemisphere e aofia ai Egelani, Farani, Italia, Sikotilani, ma Wales - o ‘au a lo tatou itūlagi, o Argentina, Ausetalia, Fiti, Iapani, Niu Sila ma Aferika i Saute.
O le ta’amilosaga o le Nations Championships e amata ia Iulai e tau ia Novema, ma o le grand final e faia i Lonetona.
E tasi le ta’aloga home game a Iapani o le a faia mai i Newcastle, ae o ta’aloga uma a Fiti e faia i Peretania ona o tulaga i malae ma le polofiti mai ta’aloga.
O le ta’aloga lakapi iuni mulimuli nei i Newcastle o le ta’aloga i le va o le Wallabies ma Fiti lea na malo ai le Wallabies 21 i le 18 a Fiti.
Ae o loo naunau Eddie Jones e talisapaia e tagata o Newcastle le Brave Blossoms o la latou 'au i le World Cup i le tausaga fou, lea o loo fa’amoemoe e fetaui ai Iapani ma le Manu Samoa i le malae lava lenei i Newcastle i se tasi o ta’aloga o Pools.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
