Ae a lē lava tagata o se aiga poo se nu'u e tagi aueauē, ona manatu lea o nisi, e lē o lava tapena le malaga a lē ua maliu.
Ua o’o ai ina totogi tagata e lē masani ma lē ua maliu, e ō mai e faia le tiute o le tagi auauē – ae totogi i tupe.
E fa’aigoaina tagata nei o professional mourners, poo tagata ua iai le tomai fa’apitoa e matuā tagi aueauē ai i le maliu o seisi tagata e le'i va'ai muamua pe feiloa’i iai ae o ola.
O le alii o Victor Ouma, o se professional mourner, ma na ia ta'ua o se auala e maua ai sana tupe poo sana galuega, ona e matuā faigatā ona maua seisi galuega i Kenya.
"It is difficult to find a job in Kenya. However, we decided to take advantage of funerals since they occur regularly. We thought it would be a great venture that would enable us to earn an income away from crime and idleness."
O tagata fa’avauvau nei e totogi e amata mai i le taimi e tu’ua ai le tino maliu mai le fale maliu, e o’o lava i le taimi ua lagomau ai.
E lē gata i le fetagisi, ae aofia ai ma le usuina o pese fa’anoanoa.
O se tasi o professional mourners, o le alii o Francis Oyoo.
Na ia ta'ua o nisi o tagata e maliliu, e leai ni aiga ae lava le seleni ma le peso, ona latou faia lea o le sauniga fa’avauvau ae totogi.
"At times a person has no family, but has money, and at least they need somebody or people to come and be with them, stand with them, so that they can give their loved one a better send-off. It comes to a point where they need professional mourners and that is where we come in."
I le nu’u o Luo, na faia ai le maliu o se alii e leai sana fanau, ae na ta'ua e lona niece o Georgina Achieng, e tāua le galuega a le au fa'avauvau totogi poo professional mourners e fa’afiafia ai lona uncle, ‘auā a lē fiafia, ua ta'a lona sipili ma tau fa'afefe i tamaiti.
"In our culture as Luo, we believe that if somebody is dead, if you don't give him a good send off, his spirit might hover around and maybe haunt some people, like the children or maybe even the family members. So if you give him a good send off, we believe that his spirit is happy."
Ae i Samoa, e le na o maliu e osopa ai le Salelesi, ua le faigaluega isi, ae kami solo i ta’avale e va’ai pe o iai se maliu poo se saofa'i e maua ai se pusa 'apa, se 'ietoga ma se Vailima o le afiafi.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
