O loo faitioina malosi e nisi lafoga a Pauline Hanson, le ta’ita’i o le Hanson na faia i se fa’atalanoaga ma le Sky News i le Aso Gafua 16 o Fepuari, i le mata’upu pe tatau ona toe talia e ulufale mai i Ausetalia fafine ma fanau a tagata na ‘auai i le fa’alapotopotoga terorisi le Islamic State.
Ae ua fa’aopoopo iai ma manatu o le ta’ita’i o le Liberals ma le itū-agai Angus Taylor, na ia ta’ua ai le tatau ona fa’amamafa atu tulafono e taofia ai tagata e iai, pe na iai ni so’otaga ma le Islamic State (IS) lea na ia fa’aigoaina o se tala’iga fasioti tagata.
Ua fa’aalia e le itū-agai se fuafuaga e fa’asalaina ai tagata e fesoasoani i le toe fa’afo’i maia o fafine na nonofo ma fitafita a le IS ma a latou fanau i Ausetalia, e o’o i le 10 tausaga i le falepuipui.
O loo faitioina e le mālō tele lenei fuafuaga e le āga tatau ma le fa’avae, pe unconstitutional.
E le’i manuia le taumafaiga a le fa’alapotopotoga le Save the Children na taumafai ai e fa’amalosia le mālō e fa’afo’i mai i latou nei mai Suria ona o popolega i le saogalemū o le fanau.
O loo fa’amanino mai e le palemia, Anthony Albanese, e lē o fesoasoani le mālō tele i le tau o le toe fa’afo’i maia o fafine ma a latou fanau mai le nofoaga o tagata sulufa’i i Suria.
Na saunoa Angus Taylor, e fa’aigoaina o ISIS brides, ae o fafine fo’i na lagolagoina le fa’alapotopotoga terorisi le ISIS:
"I'll start by saying, you can call them ISIS brides, but these are ISIS supporters. These are people who have been part of a death cult. This is an organisation that rejects all of our most basic beliefs here in this country. That's what ISIS is. And we saw a product of ISIS ideology in North Bondi late last year."
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
