Na toe solomuli 'ese mai le Ekalesia Fa'apotopotoga Kerisiano i Balmain ma isi Ekalesia Congregational mai le so'ofa'atasiga lea o loo lausilafia ai nei o le Uniting Church of Australia poo le Ekalesia So'ofa'atasi.
I se fa'atalanoaga ma le faife'au o le Ekalesia Fa'apotopotoga Kerisiano i Balmain, Rev Alo Filipaina, na ia ta'ua ai mafua'aga o le toe solimuli 'ese mai o le 'aulotu i Balmain ma nisi o 'aulotu Fa'apotopotoga Kerisiano mai le Ekalesia So'ofa'atasi (Uniting Church) talu ona faia le 'merger' i le 1977.
Na saunoa Rev Alo Filipaina, o le Ekalesia Fa'apotopotoga Kerisiano i Balmain, o loo i lalo o le fa'amalu a Ekalesia Fa'apotopotoga Kerisiano i Lonetona, e pei ona afua mai ai misionare a le LMS na muamua tala'ina le talitonuga Kerisiano i Samoa.
O le Ekalesia Fa'apotopotoga Kerisiano i Balmain e faia a latou sauniga lotu i le gagana Peretania ma le gagana Samoa.
Share
