Na faia se tete'e a ni tagata i Iapani i le toe tatalaina ma toe fa’aaogāina o le nofoaga e gaosi ai le ‘eletise mai le malosi niukilia talu ona fa’atama'ia e sunami poo galu lolo ia nofoaga i Fukushima i le 2011.
O le Aso Lua o le vaiaso nei, na toe tatala ma fa’aaogāina ai le Kashiwazaki Kariwa nuclear reactor, ma na fa’aalia e se tasi o le au tete'e, ua fa’atopelau le toe tatalaina o le nofoaga, ma e leai sona fa’atuatuaga iai i le saogalemū:
"It's clear that the plant is restarted hastily. I have zero trust in it. It should have been dissolved after the Fukushima accident. The government should have let it go bankrupt. Yet it continues to exist and, even worse, the Kashiwazaki-Kariwa plant is now being restarted. This is utterly absurd. I am furious and cannot understand what they are thinking about."
Na tapunia uma nuclear reactors i Iapani i le 15 tausaga ua tuana'i ina ua fa’atama'ia e le sunami ma liki ai le otaota niukilia - o se fa’alavelave sili ona mata'utia e fa’atusa i le liki o le otaota niukilia i Chernobyl i Ukraine i le 1986.
READ MORE
The world's worst nuclear accident
O se tasi lenei o mata’upu o loo tele finagalo fa’aalia iai o nisi i le lalolagi, ona o le malosi niukilia o loo talitonuina e mama atu nai lo le suau’u ma le kasa.
Paita’i o le otaota mai le malosi niukilia e faitau senituri e lē mafai ona pala ma e telē le avanoa o le matuā āfaina ai o le si’osi’omaga.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
