Erin Patterson - fasioti tagata ua fa'amaonia

Ua aumaia le fa'ai'uga a le jury o ali'i e to'a 7 ma tama'ita'i e to'a 5 ua fa'amaonia ai moliaga o Erina Patterson i le fasioti tagata fa'amoemoeina.

Media gather outside the Latrobe Valley Magistrates Court in Morwell, Victoria, Monday, July 7, 2025. The jury in Erin Patterson's triple murder trial have reached a verdict after almost seven full days of deliberations. (AAP Image/James Ross) NO ARCHIVING Source: AAP / JAMES ROSS/AAPIMAGE

E 9 vaiaso na fa'agasolo ai le fa'amasinoga o Erin Patterson i le fale fa'amasino i Morwell i Vitoria.

O moliaga o Erin Patterson e afua mai i se 'aiga (beef wellington) na ia kukaina na iai ma pa'u taliga 'o'ona o le itu'aiga death cap mushrooms.

O e na maliliu ina ua taumamafa i le mea'ai, matua o le tamaloa na nonofo ma Erin Patterson, ae na tete'a i le taimi na faia ai le 'aiga i le fale o Erin ia Iulai 2023. O i latou o Don ma Gail Patterson, ma le uso o Gail o Heather Wilkinson. Na taumafa ai ma le to'alua o Heather e suafa ia Ian Wilkinson, ma e tele vaiaso o tausia i le falema'i ma mulimuli ane fa'asaoina lona ola.

Ua saisaia nei Erin Patterson i le falepuipui e fa'atali ai le aso e lauina mai ai lona fa'asalaga lea o loo taumate e ono solo atoa i le falepuipui.