Na saunoa Maud de Boer-Buquicchio, o se loia na ta'ita'ia le su'esu'ega lea na aumai ai le ripoti e pei ona laulauina i le Vatikana, i le ta'atele o sauaga na faia e nisi o patele ma tagata faigaluega mautofi o le Ekalesia i tagata i 'aulotu ma palisi i le lalolagi.
"Listening to victims and survivors is the first step towards realising a safer Church for our children. We owe an honest response to the countless victims and survivors, known and unknown, who have had the courage to sound the alarm, the alarm on the abuse, despite unimaginable obstacles. And this annual report is a testament to the substantive role they have in the Commission's work."
E to'a 40 tagata na sauaina na molimau i luma o le Komisi su'esu'e, le Pontifical Commission for the Protection of Minors, na ta'ua ai le atili mafatia i le auala na tagofia ai e le Ekalesia a latou tagi ma tu'ua'iga i tagata na sauaina i latou.
Na ta'ua i le ripoti o le ofisa i le Vatikana na gafa ma le 30% o Ekalesia poo Diocese a le Ekalesia Katoliko Roma i le lalolagi, ae o le tele o ripoti i tuua'iga i sauaga na faia e patele ma isi tagata mautofi e auala i feusua'iga faamalosi i tamaiti, na le'i faataunu'uina i le Vatikana, ma e na o le 2 ripoti na oo iai i le fa'alafiina e Bishops o tagi ma tuua'iga na faatau atu.
Na saunoa Maud de Boer-Buquicchio, o le fa'atalale ma le faia o le tiute o ta'ita'i o le Ekalesia Katoliko Roma, na atili afaina ai i latou na sauaina.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan
