Ua fa’alēaogāina e le fa’amasinoga o faigapalota i Samoa le tofi o le faipule o Falealili Numera 1, Toelupe Poumulinuku Anesemo, ina ua fa’amaonia tu’ua'iga o lona faia o ni faiga fa’aālatua ma solitulafono o le fa’atōsina i le campaign mo palota i le tausaga na te'a nei.
E pei ona silafia, o Toelupe Poumulinuku Anesemo, o loo tau'aveina le tofi sui palemia, atoa ai le minisitā o galuega, feoa'iga ma galuega tetele a le mālō Samoa.
*****
Ua folafola e le mālō setete i New South Wales le fa’atulagaina o tulafono e fa’amalosia ai kamupani suāu'u e fa’ailoa i le mālō le auala o loo tufaina ai le suāu'u fa’aopoopo e pei ona tatalaina mai e le mālō tele mo nu'u i tua.
Na saunoa le palemia setete, Chris Minns, e 51 pamu penisini i NSW ua matūtū ma leai se suāu’u poo se penisini, ma le 164 pamu ua lē maua ai se suāu’u tiso.
"The decision of the federal government to release the fuel reserves and to drop the sulphur content inside fuel was taken with the express instructions that it needed to be distributed to regional communities. We want to make sure the evidence is in that the major oil companies are doing just that. The major oil companies are responsible for 88 per cent of the state's fuel."
*****
Ua toe fa’aulu e le vaega ‘upufai a le Greens se tulafono taufa’aofi e fa’atulafonoina ai le palotaina e le palemene tele o se faatagana e auai ai le militari a Ausetalia i se taua i atunu’u i fafo.
O loo te’ena e le minisitā o le vāifafo, Penny Wong le ‘auai o se vaega’au i le ‘ele’ele i le taua o faia nei i Sasa’e i Totonu, e ui o lo’o iai se fesoasoani i va’alele o leoleoga o se fesoasoani mo le United Arab Emirates.
Na saunoa le sui o le Greens i mataupu i le vāifafo, David Shoebridge, o le taimi mulimuli na tu’uina ai le fesili lenei i tagata lautele i le 2023, o le 90% na tali e tatau ona tu’uina le mataupu i se palota a le palemene.
"When you ask Australians 'should the Parliament have a vote on whether or not Australia goes to war?' the first response you get is disbelief that there isn't already democratic oversight for the decisions. Poll after poll has shown incredibly strong community support for these reforms. The last time Australians were asked in 2023, 90 per cent of Australians supported parliamentary oversight - and a vote before Australians went to war."
*****
Ua fa’aalia popolega o mālō aufaatasi i folafolaga a le faigāmalo i Isara’elu o loo ta'ua ai le 'auina atu o se vaega’au i totonu o ‘ele’ele o Lepanona i Saute.
O lafoga a le minisitā o le puipuiga i Isaraelu, Israel Katz, na ta'ua ai le ono fāoa e Isara’elu o ‘ele’ele i Lepanona i Saute e tau i le vaitafe, le Litani River - o se fa’ai'uga e fāoa ai e Isara’elu le lata i le 10% o ‘ele’ele o Lepanona.
Na saunoa le so’o'upu o mālō aufaatasi, Stephane Dujarric, ua 'ova i le miliona tagata Lepanona ua fa’aāunu'ua talu ona amata le osofa'iga a Isaraelu.
"The territorial integrity of Lebanon needs to be respected. We don't need more fighting. We don't need more rhetoric. I mean, already more than 1 million people are on the move in Lebanon. Israeli civilians on the southern side of the blue line have also been impacted. There needs to be a return to negotiations and there needs to be return to the full implementation of Security Council 1701."
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
