Na fa’aalia e Dr Skye McGregor o le University of New South Wales Kirby Institute, o le ‘uti’uti o le seleni ma le tulaga o loo soifua ai nisi o tagata, e faigatā ai ona faia su’esu’ega ma togafitia pe a pesia i fa’ama’i o feusua’iga (STIs).
Na fa’aalia i le ripoti le alu i luga o le aofa’i o tagata e pesia i faama'i o le syphilis, gonorrhoea, ma le chlamydia, ma i le va o le fa’aluaina atu i le fa’alimaina atu le maualuga o le pesia o tagata muamua nai lo isi tagata i le atunuu.
Na fa’aalia foi e Dr McGregor le si’itia o le aofa'i o tupulaga talavou e pesia i STIs.
"Over half of chlamydia diagnoses are among young people aged 20 to 29... So we need to work with the communities most impacted to understand what are the programs that contribute to reductions in all of these infections."
Ua tele tausaga o faia polokalame e fa’ailoa ai le tulaga ogaoga o a’afiaga mai fa’ama’i o feusua’iga, atoa ai ma le tele o a’oa’oga i auala e puipuia ai.
O le fautuaga masani lava o le faia o feusua’iga saogalemu e fa’aaoga ai pa’u o feusua’iga (condoms), le tausisi i le na o le to’atasi o le pa’aga, ma le faia faifai pea o su’ega pe o a’afia i se fa’ama’i e pei o le syphilis, gonorrhoea, ma le chlamydia.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan
