Fa'amanatu le tuto'atasi o Samoa i Sini.

Na fa'amanatuina i le amataga o le vaiaso nei le tuto'atasi o Samoa i sauniga ma fa'afiafiaga e pei ona fa'amaopoopoina e le fono a tagata Samoa i Sini, New South Wales.

Le 'au siva na fa'afiafia i le fa'amanatuina o le tuto'atasi o Samoa i Sini. (Image by JtPt Media).

E pei ona lipotia e Miriama Pomare na auai atu i le fa'amanatuina o le tuto'atasi o Samoa i Sini, na faia ai fo'i ma le tauvaga e sa'ili ai se tausala o Samoa i NSW e tuava i le tauvaga masani o le tausala o Samoa i le fa'ai'uga o le tausaga.

Na maua ai fo'i se avanoa o Miriama Pomare a talanoa ai i le failautusi o le fono a tagata Samoa i Sini i le 'auga o le fa'amoemoe.

E pei ona silafia, e faia le fa'amanatuina o le tuto'atasi o Samoa i fafo nei mo lenei tausaga, ae o lo'o sauni atu le atunu'u mo le faia o ana faigapalota ina ua fa'ata'ape le palemene e le'i mae'a le taimi atoa o le paea'iga.