E iai taimi e lagonaina ai e se tagata le pei ua tuulafoa'ina ma faa'esea e isi tagata - e aofia ai uō ma tagata o lona lava ‘āiga.
E mafai ona fa’aosofia ai lagona fa’anoanoa e pei ua leai se faamoemoe poo se mea e fa’afiafiaina ai.
Ua iloa i se suesuega, o a’afiaga o lagona nei e lē gata i le soifua maloloina o tagata, ae faitau $Biliona le tau i le atina'e o le tamao'aiga o le atunu’u i Ausetalia nei.
O le alii o Mark Burns e to'a 2 lana fanau, ma na ia ta'ua le amataga ina ua manava mai le galuega, inu sana ipu uaina, matamata le TV.
Na i'u ai ina fai ma masani le ala e tau i le vaeluapō
''I was just burning the candle at both ends mate and decided that come 11 o'clock on a Tuesday night once everything was done, that I deserved a glass of red wine and to watch Netflix until one in the morning giving myself five hours sleep and doing it all again. So not hurting anyone, which I told myself. Except myself really.”
Ua iloa i se su’esu’ega le aogā o polokalame e mafuta ai le itupā o alii mo le tete’e atu ma togafitia lagona o le loneliness ma nisi a’afiaga fa’alemafaufau.
O le 30% o alii na fesiligia i le su’esu’ega na fa’ailoaina le ātugalu ma popole i galuega ma tiute faatino i aso ta'itasi - o nisi e atili fa’atetele a’afiaga i lagona nei ina ua motusia se mafutaga - i le tete'a o se ulugalii pe o le malaga a le maliu ma le oti.
O le su’esu’ega na fa’amaopoopoina e le fa’alapotopotoga le Mentoring Men. O le fa’atonu sili o le Mentoring Men, o Filipe Gama e Silva.
"We're in a loneliness crisis across Australia. And whether it's our own research or independent other researchers, we also know what the impact of that is, right? And men who take their own lives, men who suicide, men who are lonely are twice as likely to do that. And so that's lives lost, that that's families ruined. The impact is huge."
(Fa’amolemole, fa’afofoga i le ripoti i le SBS Samoan, pe sa’ili se fesoasoani mai lau foma’i GP po’o se fautua laiseneina, se counsellor).
