O loo ta'ua i nisi o ripoti a faalapotopotoga o loo finauina aiā tatau a tagata, o lē ua faasalaina i le oti o se alii e igoa ia Erfan Soltani, 26 tausaga le matua, na saisaia o auai i se savali tetee i le 'a'ai o Karaj.
I se talanoaga ma le Sky News i Peretania, na saunoa Azadeh Pourzand o le Centre for Middle East and Global Order, o loo iai popolega i le fa’aaogāina e le malo Iran o le fa’asalaga i le oti e taofia ai le sosolo o le savali tete’e
"Torture, detentions, killings on the streets, very serious injuries. And then waves of execution. And we see similar trends but in a way on a very different scale, on a much more expansive scale, than what we have seen in the past."
Ua motusia e le malo Iran laina feso’ota’i i le telefoni ma le ‘upega tafa’ilagi ma ua lē mafai ai e le to’a 85 miliona o tagata o lea atunu’u ona feso’ota’i ma ‘āiga i fafo.
Ua na ona atili ai le popole ma le atuatuvale i tagata e afua mai Iran o loo aumau i Ausetalia nei, e pei o le alii o Mohsen Haghshenas, e to’alua lana fanau teine o loo aumau i Iran.
"On the one hand, a feeling of fear, worry, anxiety, and nightmares, and on the other hand, a sense of freedom and pride in my compatriots, in my country."
O Mohsen Haghshenas na talia o se tagata sulufa’i i Ausetalia nei i le 2023 ina ua sa’oloto mai le falepuipui i Iran i moliaga o lona auai i se savali tete’e.
Na ia ta’ua le faigata o le tulaga ua iai nei i le fa’ai’uga a le malo e fa’asalaina i le oti tagata ona o le tete’e i le malo.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
