Ua aumaia se lapata'iga mai le Komesina o mata’upu fa’ailogalanu, le Race Discrimination Commissioner, Giridharam Sivaraman i le tulaga lamatia o le sosolo o manatu ma faiga fa’ailoga lanu i le atunu’u i le la'eiina e le ta’ita’i o le One Nation, Senator Pauline Hanson o se veli e masani ona la'ei e tama’ita'i Moselemi le burqa, i totonu o le palemene i le vaiaso ua mavae.
"For women and women who were the hijab or who wear the naqib, there is a higher likelihood of racism, including physical violence, and that came through in consultations. And I raised that because that is connected to what Senator Hanson did. And I've said this previously. I think it was very disappointing, because the the standard that politicians hold and particularly in the public arena is, and the behaviour that they exhibit is the behaviour that often is seen as what is appropriate for the rest of our society."
Na malosi fo'i faitioga a le minisita o le vaifafo Penny Wong ma nisi o sui tama'ita'i o le maota o le Senate na latou ta'ua ai le lē fa’aaloalo o le ta’ita’i o le One Nation i tū ma talitonuga a tagata e ‘ese mai ia te ia, ma o se faiga fa’atauemu ma lē aga tatau ma talitonuga fa’aonapō nei.
E vaiaso o loo faate'a lē tumau ai Pauline Hanson mai le Senate, ae na saunoa le Race Discrimination Commissioner, o faiga faapenei mai ta’ita’i o le atunuu, e na ona tulei ai sāuaga e fa’asaga i tamaita'i o isi tū ma talitonuga.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan
