Fa’atōsina e avea ma sipai aga’i i Ausetalia

Ua fa’aalia e le fa’alapotopotoga a le ASIO, le Australian Security Intelligence Organisation, ua latou fa’asalāveia ma taofia ni taumafaiga a sipai mai atunuu i fafo na taumafai ai e faatōsina tagatanu’u Ausetalia e galulue o ni sipai.

O fa'amatalaga puipuia o se atunu'u e ono fa'alataina e se tagatanu'u ua avea ma sipai o seisi atunu'u. (Image by AAP).

I lana saunoaga na fofogaina i le 2025 Lowy Lecture i Sini, na fa’amatalaina ai e le fa’atonu sili o le Australian Security Intelligence Organisation, Mike Burgess le pu'eina e tagata faigaluega a le ASIO ma leoleo o nisi na faatōsinaina e se atunuu i fafo.

"This foreign intelligence service arranged for an Australian to travel by plane then boat to a third country for a face-to-face meeting. The spies wanted to hand over a list of their intelligence requirements, the people and things they wanted spied on.  ... Little did they know, ASIO was tracking and manipulating their entire activity. ... When the intelligence officers arrived at the location, they were not met by their target, they were met by an ASIO officer."

Na fa’aalia e le faatonu o le ASIO, o loo si’itia pea le tulaga o le fia maua e fa’alapotopotoga ma atunu’u i fafo o fa’amatalaga puipuia a le mālō i Ausetalia nei.

O nisi o fa’amatalaga puipuia o loo sili ona mana’omia e sipai mai fafo e aofia mata’upu i mineral e pei o mineral rare earths, ma fa’amatalaga e fa’atatau i le feagaiga o le puipuiga le AUKUS ma Amerika ma Peretania.

Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan