Ua tofia e le palemia o Albania se masini chatbot e avea ma minisita o le kapeneta a lana faigamalo.
O le minisita muamua lenei poo se sui faipule o se palemene i le lalolagi e le o se tagata ola ae o se masini e faia faai'uga e fa'aaogaina ai le Artificial Intelligence.
O le minisita le chatbot e fa'aigoaina ia Diella, na faia lana saunoaga muamua i le palemene o Albania i le vaiaso nei, talu ona tofia e le palemia o Albania, Edi Rama, i le laulau o lana kapeneta.
O le tiute o Diella o le faia lea o fa'ai'uga i polokalame e fa'atupeina e le malo Albania. Na fa'aalia e le palemia ua fiu i le tele o faiga fa'aalatua (corrupt) i le malo, ma ua filifilia ai le chatbot ona e le manatu fa'apito ma fai ma se tau iai se masini artificial intelligence.
