Na malosi faitioga a Donald Trump i le tulaga o loo taliaina ai e nisi o atunu'u i le lalolagi tagata sa'ili lafitaga mai taua ma fevaevaea'iga ma nisi sauaga.
E pei ona silafia, talu ona toe tula'i mai Trump i le tofi peresitene o Amerika, o se tasi lenei o tulafono o loo fa'amalosia e lana faigamalo, o le toe tipoti 'ese ma Amerika o tagata o loo nonofo solitulafono ai e aunoa ma ni visa fa'atagaina.
O le isi mata'upu na malosi iai faitioga a le peresitene o Amerika, o fuafuaga a mālō ‘aufa’atasi e fa'atatau i polokalame e tali atu ai i fa'afitauli mai suiga o le tau.
Na ia saunoa: “It's the greatest con job ever perpetrated on the world, in my opinion.”
Na ia faitioina fo'i atunu'u e pei o Ausetalia o loo lagolagoina se mālō mo Palesitina.
“Instead of giving in to Hamas's ransom demands, those who want peace should be united with one message; Release the hostages now.”
O loo iai le fa'amoemoe i se feiloa'iga a Donald Trump ma le palemia o le mālō tele, Anthony Albanese, i Washington i le masina fou.
