Faitioina le osofa'iga a Isara'elu i Doha.

Ua faitioina malosi e le malo tele i Ausetalia nei ma nisi atunu'u i le lalolagi le osofa'iga na faia i se pomu e Isara'elu i le laumua o Qatar, le taulaga o Doha.

Smoke rises from an explosion, allegedly caused by an Israeli strike, in Doha, Qatar, on Tuesday, Sept. 9, 2025. (UGC via AP) Credit: AP

Na 'ioeina e le palemia o Isara'elu, Benjamin Netanyahu, le fa'atonuina e lana faigamalo o le osofa'iga, na ia fa'amatalaina o se osofa'iga na fa'asino tonu i sui o Hamas.

O sui o le fa'alapotopotoga a Hamas o loo i Qatar mo feutaga'iga o se ceasefire ma Isara'elu lea o loo lalamua ai malo Aikupito, Qatar ma Amerika.

Na fa'aalia e le minisita o le vaifafo, Penny Wong, o se faiga le tala feagai le faia o se osofa'iga o se atunu'u tuto'atasi e pei o Qatar, poo le a lava mafua'aga.

سناتور پینی وانگ، سخنگوی حزب کارگر در امور خارجه Source: AAP / AAP/Bianca De Marchi

Ua fa'aalia le faitioga malosi a faigamalo i Kanata, Aikupito, Sepania ma nisi i le osofa'iga ua lamatia ai le tulaga tuto'atasi o le atunu'u o Qatar.

Ma ua malosi ai ma le talitonuga e le o toe naunau Isara'elu i se filemu e auala i feutaga'iga mo se ceasefire, ma le tulaga lamatia ua iai tagata Iutaia lea na saisaia e Hamas talu mai le Aso 7 o Oketopa 2023.