Fanaina i le oti Dezi Freeman

Na fanaina i le oti e leoleo i Vitoria le tagata lea ua 7 masina o sola ma lafi talu ona ia fasiotia ni leoleo se to’alua i le pitonu’u o Porepunkah i Vitoria. O le Aso Gafua talu ai na maua ai ma fanaina e leoleo i le oti le ali’i o Dezi Freeman i le pitonu’u o Thologolong, e lata i Walwa.

A supplied screen grab taken from a news broadcast obtained on Wednesday, August 27, 2025, of Dezi Freeman during a 2018 epidsode of A Current Affair. Credit: AAP Image/Supplied by A Current Affair

Na fanaina i le oti e leoleo i Vitoria le tagata lea ua 7 masina o sola ma lafi talu ona ia fasiotia ni leoleo se to’alua i le pitonu’u o Porepunkah i Vitoria.

O le Aso Gafua talu ai na maua ai ma fanaina e leoleo i le oti le ali’i o Dezi Freeman i le pitonu’u o Thologolong, e lata i Walwa.

Na saunoa le Komesina o Leoleo i vitoria, Mike Bush, o le a soso’o ai ma le su’esu’eina pe iai ni tagata na fesoasoani e fa’alafi Dezi Freeman i le 7 masina lenei talu ona amata lana sola’aga.

O le lapata’iga foi lea mai le failautusi o le Asosi a Leoleo i Vitoria, Wayne Gatt.

"Anybody that's helped this person over that point of time should be worried. They should be concerned. They should know that the dogged determination that led to today's events will persist. Our members will chase every rabbit down every burrow to make sure that anybody that supported criminal activity of this nature is brought to justice."

---

Na ave fa’apagotaina e ni tagata se tusitala tuto’atasi se freelance journalist mai Amerika i le laumua o Iraq, i Baghdad.

Na fa’aalia e se sui o le malo Amerika e masalomia o le tusitala na ave faa’pagotaina e se vaega o loo lagolagoina le malo iran, e fa’aigoaina o le Kataib Hezballah]].

Na ta’ua foi e le State Department i Amerika, na ave lapata’iga i le ‘au tusitala i le tulaga lamatia o le lipotia o tala mai nisi o vaega o Sasa’e i Totonu.

Na fa’aalia e se tasi o fa’alapotopotoga fa’asalalau o le tusitala o se tamaitai e igoa ia Shelly Kittleson, ma ua leo tele le vala’au e faasa’olotoina o ia.

---

Ua faatulafonoina e le malo tele se faamama'avega i le atunuu i le tau o le suauu ma le penisini ona o faafitauli i le sapalai mai le taua o loo faagasolo pea i sasae i totonu.

E ui i le tipiina i se 26 sene i le lita o le tau o le penisini, na faaalia e Peter Khoury o le NRMA, e le vave molimauina i le pamu le tau maualalo lenei ona e tatau ona muamua faatau e kamupani le suauu ma le penisini o loo iai i le tau maualuga i le taimi nei.

Na ia ta'ua pe tasi i se 2 aso i taulaga ae vaiaso faato'a pa'u i nuu i tua.

Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.