O le asō, Aso Tofi 14 Me, o loo fa’amoemoe e feiloa’i ai le peresitene o Amerika, Donald Trump, ma le peresitene o Saina, Xi Jinping, i le laumua o Saina i Beijing. O nisi o mata’upu o le a talanoaina ai, e aofia ai le toe tatalaina o le Vāinu’u o Hormuz, ma le vā o Saina ma Iran.
Ua fa’aalia e le peresitene o Amerika, Donald Trump, e lē o toe mamao ae fa’amuta le taua ma Iran - a lē uma filemū, e fa’auma i seisi auala.
E faia lenei fa’aaliga a Trump ae o sauni mo lana feiloa’iga ma le peresitene o Saina, Xi Jinping i le laumua o Saina i Beijing.
O ni fa’amaumauga a le matagaluega o Labor i Amerika, o loo fa’ailoa ai le maualuga o le tau o 'oloa ma le suau'u ona o le taua ma Iran.
Ae na saunoa Donald Trump e lē o toe mamao ae pa'ū le tau o le suau’u i le taimi e tatalaina ai va’a ua faitau masina o poloka i le vainu’u o Hormuz.
"And as soon as this war is over, which will not be long, you're going to see oil prices drop, and you're going to see a stock market which is already at the highest point in history, go through the roof. You're going to see the golden age of America, frankly, and you're seeing it now. So as soon as this is, don't forget, you have hundreds of ships that are loaded up with oil that want to come out. As soon as they come out, we're going to have a gusher of oil”.
Ae ua fa’ailoa mai e le faigāmalo i Iran lo latou te’ena o mana'oga o Amerika e fa’amuta ai le taua.
Na saunoa le sui o le ofisa o le vaifafo i Iran, Esmaeil Baghaei, o loo tatala pea le faitoto’a i Tehran mo feutaga'iga e fa’aaogāina ai sui o le malo Pakistan, ae lē taliaina e Iran ni feutaga'ga e faia fa’amalosi.
"We are talking about negotiations means give and take. Negotiation means being ready to recognise your interlocutor's demands. But if you think that negotiations is one 100% satisfaction, one sidedly, that's not negotiations, that's imposition of your will. And it will not happen in any case, at least as far as Iran is concerned."
Ua vala’au fo’i le malo Iran i le tatau ona tatalaina e Amerika malaga a va'a i le Strait of Hormuz.
-----
E to'a 4 tagatanu’u Ausetalia na malaga i le va'a, le MV Honduras lea na pesia ai nisi i le vairusi le hantavirus ma maliliu ai ni tagata se to'a 3 o le pasese.
Na toe taliu mai i latou nei, atoa ai ma se tagatanu’u Aotearoa Niu Sila i se malaga togipau se charter flight mai le Canary Islands i Sepania ma taunu'u ai i Perth.
E lē o molimauina ni āuga i seisi o i latou nei, ae 3 vaiaso o le a tausi puipuia pe quarantine ai i latou ma le auva'a.
Na saunoa le minisita o le soifua maloloina, Mark Butler, o le fuafuaga lenei e quarantine i latou, e mo le puipuiga o le saogalemū o le atunu’u.
"I want to stress that our primary responsibility as a government, obviously, is to keep our community safe and healthy. We also have a responsibility to those passengers to bring them home and to protect them from any risk - no matter how small - of potentially transmitting the virus without knowing it."
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
