O le Aso 13 o le Tauvaga na faateia ai le lalolagi i le maoae o taaloga.
Ua avea nei le alii iloga o Portugal ia Ronaldo ma tama taalo muamua ua sikoa i ni Ipu o le lalolagi e ono.
I lenei ripoti na tapenaina e Yumi Oba
Ua tata'e se rekoti e Ronaldo,ua faaeaina Luka Modrić, ma se pagatia ua feagai nei ma Egelani.
O a’u o Su’a Leilua Jerry Uesele ma se otootoga lenei o le Aso 13 o le Ipu o le Lalolagi FIFA 2026.
Na tatala le aso 13 I se matatia a Portugal ina ua lami e 5-0 a Uzbekistan I le Group K
E lua sikoa mataina a Ronaldo ma avea ai ma tama taalo muamua ua sikoa I tauvaga e ono soso’o.
Ua 41 nei ona tausaga ma ua avea foi ma tama lona lua aupito matua ua sikoa nei i se Ipu o le lalolagi.
I isi taaloga o le Pulu K na sikoa Colombia ma manumalo ia Democratic Republic a Congo 1-0 toeiitiiti uma le taimi.
Ua sao atu nei Colombia I leisi tauvaga mo au e 32
I le Pulu L na tutusa Egelani ma Ghana 0-0 e ui e tele taimi na umia ai e Egelani le polo.
Ua faatalitali nei Ghana ma Egelani I la taaloga mulimuli e iloa ai poo ai e se’e atu I leisi tauvaga lona lua.
O le manumalo a Croatia 1-0 a Panama ua taualuga ai taaloga a Panama I le World Cup.
O le alii faaleoleo ia Ante Budimir na sui atu I totonu ma sikoa e manumalo ai latou i se taaloga na atoa iai le 200 taaloga a la latou Kapeteni ia Luka Modrić ua atoa iai le toafa ni tagata ua ausia lenei matati’a
Mo le Socceroos ua ufitia i se tala faanoanoa i le lavea ai o le uigi ia Mathew Leckie ma ua le taalo nei i le taaloga ma Paraguay
E na o se tutusa ma Paraguay e moomia e le Socceroos e ono sao atu ai leisi tauvaga
Sa talasua Paul Okon talosia ae faailoa e le Pm se aso Malolo e tapuai atu ai le atunuu ia sao ai le Socceroos.
E mafai na e maimoa i lenei taaloga live i le SBS ma le SBS On Demand mai le 12-noon AEST.
O le aso 14taeao e vevela ai foi taaloga
I le Group B, Bosnia Herzegovina vs Qatar,
Canada vs Switzerland.
Brazil vs Scotland ma Morocco vs Haiti i le Group C.
I le Group A, South Africa vs Korea Republic,
Czechia vs Mexico.
O la tatou ripoti lena mo le aso 13 o le FIFA World Cup .
O a’u o Su’a Leilua Jerry Uesele
Maimoa ma silasila i le FIFA World Cup 2026™ live ma faasalalauina Fua e le SBS and SBS On demand.
