Lagolagoina e Sini le Toa Samoa.

Na molimauina le tumutumu o Samoa i Sini le Aso Lua o le vaiaso nei i le fa'afeiloa'iga o le Toa Samoa ae o lumana'i ai le ta'aloga ma le Kiwis mo le siamupini o le Rugby League Pacific Championships i le Aso Sa nei.

Tagata Samoa i Sini i le Fan Day a le Toa Samoa. (Image by Ono Ti'iti'i).

Na fa'aalia e le peresitene o le ta'aloga Lakapi Liki i le atina'eina o le tomai i fanau a Samoa i Sini, Namulau'ulu Ioasa Pele Papali'i, o le fa'amoemoe ina ia le gata i le taleni, ae maua ai nisi tomai o le soifuaga.

O nisi o tamali'i o le atunu'u o loo fa'amaopoopoina le 'Blue Army' le 'au supporters, e aofia ai Susuga a Tagaloa Dan ma Ono Ti'iti'i.

Na fautuaina e Ono Ti'iti'i le atunu'u e tapua'i fa'atamali'i, ina ne'i 'ova le fiafia ae i'u ai ina 'upuia le tapua'iga e le va'ai mai a isi tagata.

O le sao atu o le Toa Samoa i le final o le Rugby League Pacific Championships, na auala atu i le tele o ana sikoa i le ta'aloga ma le Mate Ma'a a Tonga, ae o le Kiwis, e le'i faia'ina lava i se ta'aloga o le RLPC o lenei tausaga.

Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan