Ua faaalia e le minisita o le vaifafo i le faigamalo i Qatar lona talitonuga ua lata mai se taimi e malilie ai Isaraelu ma Hamas i aiaiga e faamutaina ai le taua lea ua 'ova i le tausaga o faia i le Gaza Strip.
Na saunoa Manjid al-Ansari e aofia i aiaiga le faasa'olotoina e Hamas o tagatanu'u Isaraelu ia na 'ave faapagotaina i le Aso 7 o Oketopa 2023.
O le feutaga'iga mo se filemu na lalamua ai le faigamalo i Qatar, Aikupito ma Amerika, ma ua 'ova nei i le tausaga o faia pea.
O se tasi o faafitauli na tuta'ia ai feutaga'iga o se filemu o le fesuisuia'i o le tulaga o le faigamalo ma le palemia o Isaraelu.
Share
