O i latou nei na fa'asa'olotoina mai nofoaga saisai i lalo o se fa'ai'uga a le High Court i Ausetalia i le 2023.
I lalo o le fa'ai'uga, e solitulafono le fa'aauau ona saisaia i latou nei e to'a 280 ma le leai o se tulaga latou te iloa ai se aso e fa'asa'olotoina ai i latou.
E le gata i le $400 miliona lea o le a totogi muamua i le malo Nauru, ae fa'aopoopo iai le isi $73 miliona i le tausaga mo le tausiga o tagata o le N-Z-Y-Q cohort.
Na saunoa le sui o le itu-agai i le tofi minisita o Home Affairs, Julian Leeser, o tagata nei ua leai seisi auala e apili ai mo le suia o le fa'ai'uga lea ua te'ena ai a latou talosaga e nonofo i Ausetalia.
O le fa'ai'uga lenei o loo lagolagoina e nisi ona talu ona fa'asa'olotoina i latou nei i le fa'ai'uga a le High Court, na faia ai e nisi soligatulafono matuia e aofia ai le fasioti tagata ma le feusua'iga fa'amalosi.
