O loo i Iapani le minisitā o puna'oa i le mālō tele, Madeleine King, mo talanoaga ma isi atunu’u i le tulaga o le sapalai o le suau'u i le lalolagi e mafua mai i le osofaiga a Amerika ma Isara’elu o Iran.
Ae le'i tuua le atunuu, na fa’aalia e Madeleine King o loo lava le sapalai i Ausetalia nei, e aofia ai le suau'u ma le penisini mo nu’u maotua.
"Australia is well stocked with fuel. The 18 ships arrived earlier this year right around the coast to the Import terminals, and I think it's over 30 in transit. And that is the normal means by which we supply fuel right around the country. So that remains the case, and we expect it to remain the case."
O loo tuua'ia e le itūagai le malo tele i le lē mautū mai o se tali i le tulaga o le sapalai o le suau’u ma le penisini i le atunu’u.
Na fa’aalia e le sui ta’ita’i o le itūagai Jane Hume i se talanoaga ma le Channel 7, e lagolagoina e le itūagai le toe fa’aaogāina o le suau’u na ave’esea mai le maketi ona o popolega i le ‘ele'elea ma a’afia ai le si’osi’omaga e toe fa’aopoopo i le sapalai.
Na ia ta'ua, o lea faai'uga o le a tului ai seisi 100 miliona lita o le suau’u i le maketi i Ausetalia nei.
"We're very pleased that there is going to be more fuel, particularly going out to the regions. But despite this, Anthony Albanese and Chris Bowen have failed to give a guarantee to Australians that we won't run out of fuel."
Ua fa’aalia e le faigamalo i Amerika le ono lifi o le Sā i le fa’atauina o le suau’u mai Rusia.
Ua faia se fa’atagana fa’apitoa e mafai ai ona lifi le Sā mo se 30 aso e fa’atauina ai e Initia le suau'u le'i fa’amamāina mai Rusia mo le fa’atauina e Initia i le maketi i le lalolagi.
O Sā nei i le fa’atauina o le suauu mai Rusia na fa’atulagaina ina ua osofa'ia e Rusia Ukraine i le 2022, atoa ai ma le toso 'umi e Rusia o se maliega mo se filemu i le taua ma Ukraine.
Na fa’aalia e le failautusi o tupe i Amerika, Scott Bessent, e ono tatalaina le Sa i le tele o isi va'a suau'u a Rusia o loo tau i le vasa ma uta o sua'u le'i faamamaina le crude oil.
"The Indians had been very good actors. We had asked them to stop buying sanctioned Russian oil this fall. They did. They were going to substitute it with U-S oil. But to ease the temporary gap of oil around the world, we have given them permission to accept the Russian oil. We may unsanction other Russian oil."
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
