Na fa’aalia e le Komesina o le AFP, Krissy Barrett, masalo o le su’esu’ega aupito tāua lenei ua feagai ma lana matagaluega ona o loo fia iloa e tagata lautele fa’amatalaga sa'o:
"This is one of if not the most important investigation that the AFP and our partners will ever, ever do. We have got a grieving community, and we have got a community that is looking for answers and that is my focus."
Na fa’aalia e le Komesina, i se iloiloga amata i le taimi nei, e foliga mai ai na malaga i la'ua o loo tu’ua'ia, Naveed ma Sajid Akram mai Sini i Manila ma aga'i atu ai i Davao City i le atu Filipaina poo le Aso 1 o Novema.
E tusa ai ma fa’amatalaga a leoleo i le atu Filipaina, na tele lava ina nonofo i la'ua i lo la potu i le faletalimalo, ma na toe fo'i mai i Ausetalia i le lata ai i le masina i Davao City.
Na ta'ua foi e Krissy Barrett, i le taimi nei e lē o iai ni molimau fa’atuatuaina e iloa ai na ‘auai i la'ua i ni a'oga poo tolegiga i le atu Filipaina mo le osofa'iga terorisi lea na la faia ma maliliu ai tagata e to'a 15 i Bondi Beach i le 2 vaiaso talu ona toe taliu mai i Sini.
"These individuals are alleged to have acted alone. There is no evidence to suggest these alleged offenders were part of a broader terrorist cell or were directed by others to carry out an attack. However I want to be clear, I am not suggesting they were not there for tourism."
Na fa’afetaia e le AFP le fesoasoani a leoleo i le atu Filipaina lea na maua ai ata i le CCTV o feoa'iga a i la'ua nei ae o iai i le atu Filipaina.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
