Ua fa’aalia e leoleo a le mālō tele le AFP ua latou mauaina ripoti o le faia e Pauline Hanson o se soligātulafono i lana lafoga e leai ni tagata Moselemi lelei – “there are no good Muslims”.
E faia lenei taua o lafoga ae o loo fa’amanatuina e le tapua’iga Isalama le masina o le Ramadan
Na saunoa le pulenu’u o le pulega fa’aitūmalo le Canterbury Bankstown Council, Bilal El-Hayek, o lafoga a Pauline Hanson ua na ona atili lamatia ai le saogalemū o tagata Moselemi i le atunu’u:
"We are living in very difficult times. We know for a fact that post-Bondi, Islamophobia was up by 740 per cent almost. The numbers are scary. The community is very concerned. And we are doing everything we can to reassure the community. And we've been working hard with Campsie Police. There will be more police officers during the month of Ramadan, patrolling Lakemba Mosque and other mosques, as well as Lakemba Nights (festival) during Ramadan."
O lafoga a Senator Hanson na faia i se fa’atalanoaga ma le Sky News i le Aso Gafua 16 o Fepuari i le mata’upu i le ono toe talia o fafine ma fanau a tagata na ‘auai i le fa’alaptopotoga terorisi le Islamic State.
Na saunoa Bilal El-Hayek ua tatau ona molia Pauline Hanson i lalo o tulafono fou a le mālō tele i lafoga faifai ma fa’atauemu le hate speech – tulafono ia na pasia talu mai le osofa’iga terorisi i Bondi Beach i le masina o Tesema o le tausaga talu ai.
Na saunoa fo'i El-Hayek o le taimi lenei o le opogi o auala e maoopoopo ai le atunu’u ae lē o le vaevaeina i lafoga ma ‘upu so’ona lafo a nisi:
"No matter which mosque, which church, which synagogue, or temple. We live in the most multicultural country on Earth. We do not take that for granted. And we should not take that for granted. So all these threats have to seriously stop because they are harmful. They are hurtful. We want to make sure that we bring people together. Not to divide the country. So we all have a responsibility to turn the temperature down and work together."
Na saunoa foi le palemia setete o New South Wales, Chris Minns, o lafoga a le ta’ita’i o le One Nation e na ona tapili atili le afi o le ita ma le fevā-a’i:
"We have to accept that words have consequences, and you can put hate in someone's heart with that kind of racist demagoguery of members of our community."
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
