Faaulu se tagi e faasaga i le malo Rusia ma Putin ona o le pau o le MH17

Ua faaulu se tagi i le faamasinoga mo aia tatau i Europa e faasaga i le malo ma le peresitene o Rusia, Vladimir Putin, i le faalavelave na fanaina ai ma pau le vaalele MH17.

M17 wreckage Source: AAP

O loo taitaia le tagi e le alii loia o Jerry Skinner, lea na finauina ma malo ai le tagi a aiga o tagata na maliliu i le vaalele a le Pan Am i le 1988. O le taui na totogi mai e le malo Lybia, ina ua faamaonia o ni o latou tagatanuu na totoina se pomu i luga o le vaalele.