Lotu a Tamaiti i Sini.

O le Aso Sa lona lua o le masina o Oketopa i tausaga uma e fa'ailogaina ai le Aso Sa o Tamaiti i le tele o Ekalesia Kerisiano i Samoa, ma ua fa'ailogaina fo'i i isi atunu'u o loo tapua'i ai tagata Samoa i Ekalesia Kerisiano.

Lotu Tamaiti i Bexley, Sini, NSW. (Image by Meita Lee Fesola'i)

O le Aso Sa e molimau ai le fanau i le talitonuga Kerisiano e auala i tauloto a le fanau laiti, ma tala fa'atino e tupulaga talavou.

I aso ua mavae, o se Aso Sa na fa'aigoaina fo'i o le Aso Sa Pa'epa'e, ona o 'ofe ma la'ei o le fanau e lanu pa'epa'e ma fou.

O se aso fo'i na maitauina le matua tele ai o taumafa e tapenaina e aiga mo le fanau, ma e masani ona soso'o ma se aso malolo i Samoa, aua le to'atele o tupulaga e a'o'oga i Apia ae fia malaga i aiga i nu'u i tua ma Savai'i mo le lotu a tamaiti.

O le ripoti lenei na fa'amaopoopoina e Miriama Pomare na auai atu i se sauniga o le lotu a tamaiti i se Ekalesia Kerisiano Samoa i Bexley i Sini.

Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan