E foliga mai ua malepelepe le maliega o le ceasefire i le va o Amerika ma Iran ina ua osofa'ia e Iran nisi o va'a i le Vainuu le Strait of Hormuz.
Ua faatulagaina e Amerika se vaega’au e puipuia va’a e folau i le Vainu'u i lalo o le 'Project Freedom' e pei ona fa’aigoaina ai e le faigamalo a Donald Trump.
Na fa’aalia e le soo'upu o malo aufaatasi, Stephane Dujarric, e lē o manino ia i latou poo le a tonu le uiga ma le auala e faatino ai le fuafuaga a le peresitene ma le faigamalo i Amerika.
"I think we're still trying to fully understand exactly what this means. But that being said, our position remains the same, that the Strait of Hormuz needs to be reopened. Freedom of navigation needs to be re-established. We need to see a return of what has been a centuries of practice of, uh, of common law, which is free, freedom of navigation in these waters."
Ma nisi tala:
E to'a 3 tagata o se aiga i le pitonu’u o Rosemeadow i Sini na maliliu ina ua fasiotia e se tasi o le aiga lava.
O ananafi na tula'i ai e auala i le video link, Jacky Amazing Feng, 32 tausaga le matua, le o loo tuua'ia i le faia o le osofa'iga, na maliliu ai se tinā e 65 tausaga le matua, se tamā e 64 tausaga le matua, ma se tama e 25 tausaga le matua.
E matuiā fo'i manua'aga o se uso o lē ua molia, o se alii e 30 tausaga le matua.
O loo saisaia Feng ma le faatonuga a le faamasinoga e faia iai ni su’esu’ega faalemafaufau, se’ia toe valaau lana mataupu ia Iulai.
—-
E to'a 3 tagata ua maliliu ma nisi o loo tigāina ina ua pesia i le vairusi le hantavirus i luga o se meli poo se va'a la'u pasese i se malaga mai Argentina aga'i i Cape Verde i Aferika i Saute.
O le to'a 3 ua maliliu o le pasese o ni tagatanu'u o Holani, ae o loo tigāina i se falema'i i Johannesburg se tasi o le pasese, o se alii Peretania e 69 tausaga le matua.
O le vairusi le hantaviruses e fe'avea'ia e isumu, ma na fa’aalia e Dr Meru Sheelare, Professor o Fa'ama'i pepesi i le Univesite o Sini, e tele auala e mafai ona pesia ai tagata i le hantavirus.
"Rodents are the main carriers of the disease and usually you would catch it from exposure to urine, saliva, droppings from rodents. And it can be airborne exposure. So, if it's lying around and you're in a confined space, you can have airborne. As we know, COVID is airborne transmission. You can have the virus particles suspended in air and very fine particles, and that can lead to transmission."
I le taimi nei, e lē o iai se togafitiga mautū ua maua mo le tapēina o le hantavirus.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
