Matelaina tamaiti i le Gaza Strip

Ua faatuina e Amerika se lafo i le fono o le puipuiga a malo 'aufaatasi le UN Security Council, e taofia le tumau ai le taua i le va o Isara'elu ma Hamas ae faasao fesoasoani o mea'ai ma vaila'au o togafitiga i tagata sivili i le Gaza Strip.

Faigata le olaga o fanau i le Gaza ona o le faasaina e Isara'elu o fesoasoani e sao atu ae maise mea'ai ma vaila'au o togafitiga. Image (EPA/HAITHAM IMAD). Source: EPA / HAITHAM IMAD/EPA

Ua fa'a-6 ai lenei o malaga asiasi a le failautusi aoao o le faigamalo i Amerika, Antony Blinken, i Sasa'e i Totonu i se taumafaiga e feutaga'i se maliega i le va o Isara'elu ma Hamas e taofia ai le taua, se ceasefire.

O loo galulue faatasi ai ma malo o Aikupito ma Qatar i feutaga'iga, ae o loo malosi le tete'e i tagata Iutaia i le faatuai ona tatala ma faasa'oloto e Hamas tagata na latou ave faapagotaina i le Aso 7 o Oketopa o le tausaga na talu ai.