"O le fili o lo'o i'inei lava" - Donald Trump

I lana saunoaga i ta'ita'i o le miitari a Amerika i le vaiaso talu ai, na fa'aalia e le peresitene, Donald Trump, e ono fa'aaogaina le militari i leoleoga o nisi o taulaga i Amerika mai le tetele o soligatulafono.

With the White House in the distance, National Guard troops patrol the Mall as part of President Donald Trump's order to impose federal law enforcement in the nation's capital, in Washington, Thursday, Aug. 28, 2025. (AP Photo/J. Scott Applewhite) Source: AP / J. Scott Applewhite/AP

Na saunoa Donald Trump o le fa'afitauli i le atunu'u o le vaivai o leoleoga ma sasao ai le tele o soligatulafono, ma ia ta'ua e tatau i le militari ona fa'amuamua le puipuiga o le lotoifale o Amerika ona o le "enemy is within".

E le'i iai se minoi mo le gase i le vasega o ta'ita'i o le militari, ma i'u ai ina saunoa Trump e mafai ona patipati pe a manana'o ai.

O le tulaga o le militari ma lona ta'ita'iga, e ui o le peresitene le ta'ita'i sili o le militari, ae e le manatu fa'apito pe 'au le militari i se faigamalo poo ni ana faiga fa'apolitiki.

E faitau miliona tala le tau o le fa'amoemoe na potopoto ai ta'ita'i o le militari a Amerika mai itu e fia o le lalolagi e fa'afofoga i le saunoaga a le peresitene.