Osofa'ia se sunako i Peretania.

E to'a lua tagata ua maliliu ma nisi e matuia manu'aga ina ua osofa'ia e se tagata se malumalu tapua'i Iutaia, se sunako, i Manchester i Egelani i le fa'ai'uga o le vaiaso talu ai.

Members of the Jewish community comfort each other near to the Heaton Park Hebrew Congregation synagogue, in Crumpsall, Manchester, England, Thursday, Oct. 2, 2025 after Police reported that two people were killed and three others were seriously injured in a synagogue attack in northern England. (Peter Byrne/PA via AP) Source: PA / Peter Byrne/AP

Na fa'aalia e leoleo i Greater Manchester, na taunu'u atu leoleo ma fanaina le tagata na fa'atinoina lenei osofa'iga lea ua latou fa'aigoaina o se osofa'iga terorisi.

Na ta'ua fo'i i se fa'amatalaga a leoleo, o le na faia lenei osofa'iga, o se ali'i e 35 tausaga le matua, o se tagatanu'u Peretania e afua mai i Suria.

Ua ta'utino e le palemia o Peretania, Sir Keir Starmer, o le a au'ili'ili le su'esu'eina o lenei fa'alavelave, ma o le a fa'aopoopo le aofa'i o leoleo e leoleoina malumalu sunako ma a'oga a tagata Iutaia i Peretania.

E tupu mai lenei fa'alavelave o fa'amanatuina le sauniga aupito taua i le kalena a le tapua'iga Iutaia, le Yom Kippur.

Ua saisaia e leoleo i Manchester ni ali'i se to'a lua ma se fafine o loo latou masalomia le auai i le taupuleina o lenei osofa'iga terorisi.