Na fa’ailoa aloa’ia e le fofoga fetalai o le palemene o Samoa, Auapa’au Mulipola Aloitafua, le pasia o le tala i le tupe a le mālō lea o le a fa’aalu ai le SAT$921,251,553.00.
O nisi o vaega tāua o le tala i le tupe o se si’itaga o le aofa’i mo le polokalame o le atina’e o itūmālō, lea ua si’itia mai le SAT$1 miliona i le SAT$1.8 miliona.
Ua pasia ai fo’i se si’itaga i penefiti ma penisiona a tagata matutua ma i latou e iai mana’oga tumau.
O le pasia ai o le tala i le tupe, ua toe fo’i ai le atunu’u i le fa’atupeina atoa o ‘au’aunaga a matagaluega o le mālō ia na fa’agaioi i le na o le 25% talu mai le masina o Me ina ua te’ena e le palemene le tala i le tupe a le faiga mālō na te’a nei.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan
