Poloka i Lepanona se fafine Ausetalia ma lana fanau

Na fa’aalia e le tina o Iman Nayef, ua fia taliu mai i Ausetalia ma o aso uma e feagai ai lana fanau ma le fefefe i le lē utuvā ona fa’alogoina pomu ma molimauina tagata manunu'a ma maliliu mai le taua.

Internally displaced children who fled the Israeli strikes with their families play next to tents in Beirut, Lebanon, 16 March 2026. Lebanese authorities report more than 831,000 registered displaced since the escalation began on 02 March 2026, though the true number is likely higher, as many stay with relatives or seek shelter in safer areas. EPA/WAEL HAMZEH Source: EPA / WAEL HAMZEH/EPA

O loo poloka i Lepanona se tinā ma lana fanau ona o le taua a Isara'elu ma Hezbollah.

O le tinā o Iman Nayef ma le fanau e nonofo mau i Melbourne ae na malaga e asi lo latou ‘āiga i Lepanona, ma na taunu’u i le aso na soso’o ma le osofa'iga a Isara'elu o Lepanona.

Na fa’aalia e le tina o Iman Nayef, ua fia taliu mai i Ausetalia ma o aso uma e feagai ai lana fanau ma le fefefe i le lē utuvā ona fa’alogoina pomu ma molimauina tagata manunu'a ma maliliu mai le taua.

“My kids are scared. They never see that, you know. Sometime we see people, only one hand, one head, one leg, start screaming. You know, I don't want to say it. Even me, I'm scared. I didn't sleep for two days, me and my kids.”

Ua lata i le to'a 800 tagata sivili ua maliliu i Lepanona mai le osofa'iga a Isara'elu, ma le 'ova i le to'a 800,000 tagata ua tu'ua ‘āiga ma fale ae sa'ili lafitaga i isi atunu'u.

Na fa’aalia e le tina o Iman Nayef i le polokalame Arapi a le SBS, o le ao ma le pō e le utuvā le pau’ū o pomu.

“The bombing 24 hour. The bombing 24 hour, it's very hard here. It's dangerous. We're not safe. Everything is scary and the kid's not safe. They're not sleeping well.”

O le isi fa’afitauli o loo feagai ma le ‘āiga ona o se tasi o le fanau teine na malaga ma le tinā i Lepanona, e mana'omia ona faia ni ona togafitiga faafoma'i i Ausetalia.

E ui o loo iai malaga a vaalele sivili mai le malae vaalele i Beirut, ae o loo tauvā ma le faitau afe o isi tagata mo ni avanoa, ae o le s’iitaga i le tau o pasese ua lē gafatia e le tinā ma lona ‘āiga ona totogi.

“They need 19,000. I can't afford it that much. I don't have any option, I don't have that money, I'll be honest with you.”

E lē o toe tele ni ‘au’aunaga e maua i le ofisa konesula o Ausetalia i Beirut.

Na fa’aalia e le minisitā o le vāifafo, Penny Wong, ua fa’atonuina le ‘aufaigaluega e tu’ua le ofisa, se'i vaganā nai tagata o loo iai pea mo le ofoina o fesoasoani konesula.

Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.