Ua fautuaina e se komiti faapalemene le su'esu'eina e le ICAC (Independent Commission Against Corruption) o ni faiga faaalatua i le feutaga'iga i le va o le palemia setete o NSW, Chris Minns, ma se tasi o le pulega o le Australian Turf Club, i le faatauina o le malae tutu'u, le Rosehill Racecourse i Sini.
O loo te'ena e le palemia setete o NSW, Chris Minns, lona faia o ni faiga faaalatua i le faatauina e le malo o 'ele'ele o loo iai le malae tutu'u solofanua i Rosehill, le Rosehill Racecourse i Sini mo le fausia ai o ni fale.
O loo fesiligia le iai o ia faiga ona o le so'otaga faauo a le palemia setete ma se tasi o le komiti faafoe o le Australia Turf Club, Steve McMahon.
Ae na tali Chris Minns, e le 'alo ai lana faigamalo i le tuleia o fuafuaga uma mo le fausia o fale i le setete o NSW.
Atoa ai ma nisi talafou a le SBS mo le aso.
Share
