O se tasi lenei o mafua’aga o le to’atele o tagata matutua e manunu'a ma mafua mai nisi o fa’afitauli e o’o ai ina tele ni aso i se falema'i pe maliliu ai fo'i.
O se tasi o fa’afitauli o le faigatā i nisi o tagata ona feso'ota'i i le gagana Igilisi.
I Perth, ua iai se taumafaiga e fesoasoani ai i tagata matutua e afua mai Saina e a'o'aoina i auala e puipuia ai mai le pa'u'ū ma manunu'a ai.
O loo fa’auluulu i se alii foma'i Saina e suafa ia Dr Loo Cheng Yen i le University of Western Australia.
E iai le polokalame mo le puipuia o tagata matutua mai fa’alavelave e pa'u'ū ai ma āfaina i ni manu'aga tūgā e fa’aigoaina o le Safe Recovery Program.
Ua faaliliuina le Safe Recovery Program i le gagana Mandarin e pei ona saunoa Dr Loo.
"Having translations allows the individual patient to actually engage with information directly. But there are very much cultural nuances that inform how people are willing to accept and access that information."
O le pa'u'ū o tagata matutua ma a’afia ai manu'aga, o le mafua’aga lea o le tausia o le toatele o i latou i le falema'i, ma i Ausetalia nei, e fa’atusa i le $5 Billion le tau o nei tausiga.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan
