Ona o nisi o fa'alavelave matuia na maliliu ma manunu'a ai tagata ona o osofa'iga na fa'aaogaina ai sapelu, ua faia ai se fa'ai'uga a le malo setete i Vitoria e fa'asaina ona toe teuina pe umia e tagata sapelu poo naifi lapopo'a.
Na fa'aalia e le palemia setete o Vitoria, o le a iai pusa i ofisa o leoleo i le setete e tia'i ma lafoa'i iai sapelu o loo umia e tagata ma aiga i le setete.
E le o fa'ailoaina mai fo'i pe o le a le itu'aiga naifi e talafeagai ona fa'aigoa o se sapelu ae na saunoa le palemia setete, a foliga o se sapelu, o le sapelu lava lena.
